Қаз Рус Qaz قاز
Таң 07:38 Күн 09:06 Бесін 13:32 Екінті 16:04 Ақшам 17:48 Құптан 19:16

Сәресінің хикметі неде?

01/05/2019 87506 3 Руслан Қамбаров

Сәресінің хикметі неде?
Ораза тұтушы үшін таң атпай тұрып ас-су ішіп, құлшылыққа қамдануы мұстахаб амал болып табылады. Мұны сәресі деп атайды. Әнас бин Малик (р.а.): «Сәресі ішіңдер, өйткені сәресіде береке бар»,[1] – деген хадисті риуаят еткен.
 

Сәресінің берекеті

Сәресі ішу дегеніміз – сүннетті орындау, кітап иелеріне ұқсап қалмау, құлшылыққа күш-қуат жинау, белсенділікті арттыру, аштық себепті жаман мінездің пайда болуын алдын алу, садақа беруге жігерлендіру, дұға-тілек етуге мүмкіндік.

Сәресінің бірнеше хикметі бар, олар:

1. Құлшылыққа күш-қуат беруі.

2. Кітап иелеріне ұқсамау. Өйткені, олар ораза тұту үшін сәресі ішпейді.

Амр бин Ас (р.а.) Пайғамбарымыздың: «Біз ораза мен кітап иелерінің оразасының айылмашылығы – сәресі ішуде»,[2] – дегенін жеткізген.

Сәресі уақыты

Хадисте Зайд бин Сабиттің (р.а.) Пайғамбармен (с.ғ.с.) бірге сәресі ішіп, сосын намазға тұрады. Әнас: «Екеуінің арасы қанша уақыт болды», – деп сұрағанда, Зайдтың: «Елу аят шамасынша»,[3] – деп жауап бергені баяндалады.

Бұл Пайғамбарымыздың (с.ғ.с.) таң атқанға аз уақыт қалғанға дейін сәресі ішкенін білдіреді.

 

Сәресінің мөлшері

Әбу Сағид Худрий (р.а.): «Сәресі – берекелі ас. Оны тастаушы болмаңдар. Тіпті, бір жұтым су ішсеңдер де...»,[4] – деген риуаят жеткізеді.

 

Ең абзал сәресі

Әбу Һурайра (р.а.) риуаят еткен хадисте: «Мұсылманның сәресісі болған құрма неткен тамаша»,[5] – деп айтылған. Демек, сәресіде құрма жеу де абзал амалдар қатарына жатады.

 


 

[1] Бұхари.
[2] Муслим.
[3] Ибн Хажар.
[4] Ахмед.
[5] Әбу Дәуід, Ибн Хиббан, Байқаһи.

 
Руслан Камбаров

Пікірлер

Ersin | 05/05/2019

Сәресін нешеде ішу крек нақты уақыты?

admin | 19/05/2019

Сәресін нешеде бастап ішсеңіз де өз еркіңіз. Бастысы Таң намазының кіруіне 10 минут қалғанда тоқтату қажет. Өзіңіз тұратын елдімекеннің ораза-намаз кестесін жүктеп алып нақты уақытын сол жерден көрсеңіз болады. Кестелерге мына сілтеме бойынша өтіңіз. http://ramazan.muftyat.kz/post/226  

Асхат | 15/05/2019

Ассалаумағалайкум! Мен сәресіне ұйықтап қалсам, сол күнгі оразамды жалғастыра берсем болады ма?

admin | 19/05/2019

Уағалейкум әссалам уа рахматуллаһ! Иә, болады. Себебі, түнде жатарда сәресіге тұрып, ораза ұстауға ниетіңіз болғандықтан оразаңыз бұзылмайды.  

Алдияр | 22/05/2019

Саресынге уиктап калып тан намазына 5 минут калганда турып саресн ышып карасам бекыту уакытынан 8 минут асып кетыпты сосн аузымды бекыттым бул кундык оразам бузылдыма ?

admin | 23/05/2019

Әссәләму ъаләйкум, иә бұзылады. Алайда жалғастыра бересіз ары қарай, тек Рамазаннан кейін сол 1 күн қазасын ұстап бересіз...